Tað er við gleði, at vit boða frá, at skráin fyri HOYMA 2024 er klár!
Leygardagin 21. september kanst tú uppliva tónleik í hugnaligum heimligum umhvørvi í Syðrugøtu, har 10 listafólk fara at framføra.

Á skránni í ár eru:
Jens Marni Hansen
Die Færøsche Polkaband
Guðrið Hansdóttir
Bárður á Lakjuni
Uni Debess
Knút
Silvitni
Jensia Højgaard Dam
Maria Ljósá
Norðan

Av tí at HOYMA verður hildið heima hjá vanligum fólkum avmarka vit talið av atgongumerkjum strangt til 250. Meira enn helvtin eru longu seld. Tískil mæla vit til at tryggja sær sítt pláss á hoyma.fo áðrenn tað verður ov seint!

Tíðarætlanin við nærri upplýsingum, hvør framførir í hvørjum húsi, verður kunngjørd skjótast!

Vit gleða okkum til at síggja tykkum í Syðrugøtu til eitt ógloymandi HOYMA 2024!