So eru atgongumerkini til HOYMA 2025 sett til sølu. HOYMA verður hildið leygardagin 20. september í grannalagnum "í Tungu" í Syðrugøtu. Hetta er sama hugnaliga grannalag, sum hýsti tiltakinum í 2024. Nøkur av húsunum vera tey somu og nøkur vera nýggj. Skrá við framførandi og klokkutíðum kemur út í næstum, men vit kunnu gott avdúka, at HOYMA kemur at líkjast sær sjálvum. Hugnin og nærveran eru í hásæti saman við framúr framførslum og blíðskapi. Konsertirnar byrja um 18-19 tíðina og halda á til áleið midnátt. Aftan á midnátt er eitt eftirtiltak í Tøting.
Tað sum ræður um nú, er at tryggja sær atgongd, tí talið av atgongumerkjum er sera avmarkað og seinastu árini hava vit havt útselt.
Atgongumerki kunnu keypast her