Góðu HOYMA-gestir,
Vit gleða okkum at síggja tykkum í morgin!
Fyrstu konsertirnar byrja kl. 19.00
Konsertirnar eru áleið 40 min til longdar. Tak niður skrá og kort her

Praktisk viðurskifti:
Parkering: Niðri í bygdini omanfyri sandin ella framvið Garðabrekku omanfyri Tøting er gott pláss at seta bilin frá sær

Armbond: Být atgongumerki við armband í Tøting frá kl. 17 – kom í góðari tíð so tú sleppur undan at standa í bíðirøð meðan fyrstu konsertirnar eru!

☕ Café & barr er í Tøting frá 17 til 03.30: Har fæst suppa, breyð, kaffi/te, køkur, øl & vín

Matvognurin Greek Food Balkan Experience stendur á vegnum niðanfyri hjá Eiler og Jónu, í Tungu 10 – møguleiki er at seta seg undir tak í garasjunii hjá Jónu & Eiler beint omanfyri

Hav reiðan pening við (20 kr til bjór/sodavatn í heimunum)

Til konsertirnar: Hav virðing fyri tónleikarunum – ikki tosa hart.

Um tú skalt víðari áðrenn konsertin er liðug, statt ella set teg uttarlaga, so onnur kunnu njóta løtuna uttan óneyðugt órógv.

Minst til at lata teg úr skónum ella fara í "skóleistar" áðrenn farið verður inn í stovuna hjá fólki.

Eyka upplivingar:

Sauna við sandin er opin frá kl. 10–19

Eftir konsertirnar: Hugo Leo & Høgni Kannuberg spæla í Tøting – øll við HOYMA-atgongd sleppa inn!

Vit síggjast til eina heilt serliga tónleikauppliving ✨