kl 17.00 heima hjá Oluffu og Martin, úti í Bø 30

kl 18.30 heima hjá Maud og Arngrím, Garðabrekka 13

Annika Hoydal hevur eina heilt serliga støðu í føroysku tónleikatilvitskuni. Hennara eyðkenda rødd, sum hevur lagt stemmu til eitt hav av sangum frá Harkaliðnum og hennara soloútgávum, hevur verið við til at skapa sjálvan føroyska samleikan hjá mongum okkara, sum eru vaksin upp við hennara sangum ígjøgnum sjeyti, áttati og nítiárini.
Annika hevur verið á HOYMA fyrr og tær framførslurnar hava verið nakað heilt serligt og minniligt. Tað er ein stórur heiður fyri okkum at sleppa at leggja pall til ein av mest týðandi tónlistarfólkunum í nýggjari føroyskari søgu.