Tá ið Lea Kampmann letur munnin upp og syngur, so koma ljóð og orð beint frá sálini og prika sær veg inn í hjartastreingir og táraræsið.

Lea er ein av okkara mest sermerktu røddum í føroyskum tónleiki. Hon hevur vunnið FMA-virðislønir, givið út fimm fløgur og hevur sungið seg inn í hjørtuni hjá fólki allastaðni. Nýggjasta útgávan Seinferð, skrivað saman við Teiti Lassen, er ein ovur vøkur og kensluborin heilsan til hennara røtur og føroyska málið.

Á HOYMA sleppur tú at uppliva Leu í hennara mest essentiella og inniligasta elementi – sum duo í eini hugnaligari stovu í Syðrugøtu, har tónleikurin og røddin kemur so nær, at tú kanst næstan taka í tey.

Mynd: Colin Kerrigan